At siyempre, pasensya na po kung may katagalan na rin akong hindi nagsusulat ng bagong artikulo dito sa The Extracurricular Being. Opo, medyo abala rin ako nitong mga nagdaang araw. Huwag kayong mag-alala, siyempre ikukuwento ko.
So 'yun. Siyempre para makabalik ako sa pag-aaral kelangan lakarin ko mga papeles ko. Aba may utang pa pala ako sa UPLB since year 2000. Hayun, after 10 years nabayaran ko rin! Isipin niyo, kung noon ay mas mura talaga ang tuition fee sa UP (mahal na pag umabot ng anim o pitong libo), naglo-loan pa rin ako kasi hirap ako bayaran, ngayon pa kaya na nuknukan na ng mahal!? Gaano na kamahal? Mamaya natin tatalakayin 'yan.
Napapirmahan ko na sa college secretary namin 'yung mga papeles ko, sumunod naman 'yung director ng Office of Student Affairs, tapos 'yung Vice Chancellor for Instruction. Ayos, isang pirma na lang ang kelangan, at 'yun ay ang pirma ng registrar. Pero wala raw 'yung registrar, nasa seminar daw. Oh hindeh! Sumala pa! Isang dighay na lang lalarga na eh. Balikan ko na lang daw sa susunod na linggo. So VL na naman 'yun!
Wala talaga eh. Diskaril talaga eh. Pero maaga pa naman, so pumunta ako sa bagong campus ng UP Open University sa Los Banos din.
Tinanong ko agad kung ang tuition fee rates ba na babayaran ko ay 'yung old rate o new rate. Aba sabi nila new rate daw! Eh Php 1,500 kada unit 'yun, so kung 15 units tumagatinting na Php 22,500 kada sem 'yun! Wala pang miscellaneous fee 'yun ah!
Nampotah naman! Iniisip ko, anlaki ng binabayad kong tax. Nitong nakaraan lang, aba anim na libo ang tax ko! Mabigat 'yun ah! Kung iipunin ko 'yun, may sapat nakong pambayad ng tuition ko sa UPOU. So iniisip ko, sa laki ng binabayad kong tax, aba may karapatan pa nga akong mag-demand na dapat nga libre na tuition ko eh. Do the Math mga pare: kung anim na libo kada buwan at limang buwan kada sem, ibig sabihin kada sem ay Php 30K ang tax ko, sobra-sobra nang pambayad ng tuition ko! Pero wala, magbabayad pa rin ako ng hebigat na tuition fee para makapag-aral sa UPOU. Nyeta, saan ba napunta ang tax ko!?
So 'yun mga pare. Nung umalis ako sa UPOU, mura ako nang mura pauwi.
Lalakarin ko pa rin ang mga papeles ko nang maklaro nako sa UP Los Banos. Malay natin, baka makasikwat ako ng scholarship.
Pero kahit hindi tayo makasungkit ng scholarship, karapatan pa rin nating makapag-aral ng "libre" dahil hindi naman nila ginagawang "libre" ang pagiging Pilipino. Nagbabayad tayo ng tax, at ang totoo niyan sa ganoong paraan binabayaran natin ang karapatan natin sa edukasyon, so tama lang na makuha natin pabalik 'yung pera natin sa pamamagitan ng edukasyong menos gastos dahil nada matrikula.